L-oriġini tal-Gudja jmorru lura għall-1436 meta l-Isqof Senatore de Mello ddikjara Bir Miftuħ bħala parroċċa. Il-Kappella ta’ Bir Miftuħ fl-inħawi ta’ barra tal-Gudja għadha sservi ta’ xhieda għat-twelid ta’ dan il-villaġġ fin-naħa t’isfel tal-gżira tant sabiħ. Tul iż-żminijiet mill-Gudja ħarġu seba’ villaġġi oħra u dan wassal biex il-villaġġ jingħata t-titlu Latin ta’ Pluribus Parens’ li tfisser omma ta’ bosta wlied.

Il-knisja parrokkjali tiddomina l-villaġġ tal-Gudja. Il-knisja, li tlestiet fl-1666 inbniet fuq pjan ta’ l-Arkitett Thomas Dingli. Aktar tard, fl-1858 ġiet miżjuda torri tal-qniepen disinjata minn William Baker. Ġiet mibnija faċċata ġdida b’żewġ torrijiet tal-qniepen fuq stil barokk fil-bidu ta’ dan is-seklu u dan għamel lill-knisja tal-Gudja Ġemma uniqa fl-arkitettura Maltija.

Mixja madwar din il-lokalità turik bosta għemiel li jillustraw l-istorja tal-villaġġ. It-torri ta’ Tax-Xlejli mibnija matul ir-renju ta’ l-Ordni ta’ San Ġwann f’nofs il-palazz magħruf bħala Palazzo d’Aurel; ġnien sabiħ ħafna li nbena matul ir-renju Brittanniku u li issa sar proprjetà privata; iskrizzjoni antika fuq faċċata ta’ dar li tmur lura għall-1533; numru ta’ gallariji skolpiti tal-ġebla franka li jħarsu fuq it-toroq dellija tal-villaġġ

Palazzo  d'Aurel

Statwi skolpiti fil-pjazza prinċipali li jirrapreżentaw lil San Ġużepp u l-Assunzjoni; kappelli imżejna b’oġġetti antiki u moderni tal-fidda u tad-deheb. Fil-ġurnata tal-festa, li taqa’ fil-15 ta’ Awissu , il-knisja u l-villaġġ jiġu dekorati b’mod meraviljuż u dan joffri lin-nies tal-villaġġ kif ukoll lit-turisti esperjenza ta’ folklor reliġjuż bla paragun f’diversi modi.