Ħal Kirkop

Informazzjoni dwar il-lokalita'

Print this page

Ħal Kirkop huwa raħal żgħir in-naħa ta’ l-ajruport Internazzjonali ta’ Malta inti u sejjer lejn iż-Żurrieq. għandu madwar 2500 residenti iżda għandu jespandi ġħal 3500 sas-sena 2010. Kirkop kien jaġħmel parti ta’ parroċċa ikbar, dik ta’ Bir Miftuħ miż-żmienijiet tal-Medju Evu meta fid-29 ta’ Mejju, 1592 sar parroċċa għalih.

Għaliex Kirkop?

L-isem ta’ Kirkop ġej mill-isem ta’ familja li kellha l-għeruq tagħha fejn jinstab ir-raħal illum. Ir-raħal kien jissemma wkoll bħal ‘Casal Prokopju’ u dan l-isem jinstab fir-reġistru tad-‘Dejma’, il-milizzja li kienet teżisti qabel il-wasla tal-Kavalieri ta’ Malta. Huwa mifhum li dan l-isem kien jiddiskrivi il-post fejn din il-familja kient toqgħod. Wara ċertu żmien l-isem ‘KIRKOP’ sar magħruf min-nies lokali li baqa’ magħruf hekk.