Lija jinsab fiċ-ċentru ta’ Malta u flimkien mal-villaġġi ta’ Balzan u Attard jagħmlu erja fertili madwar Il-Palazz Presidenzjali ta’ San Anton. Kien maħsub li t-tliet villaġġi madwar il-palazz kienu maħsuba biex jagħmluha ta’ barriera protettiva għall-Gran Mastru fil-palazz tiegħu fil-każ li jkun hemm xi attakk għall-għarrieda minn xi bastiment tal-pirati jew mit-Torok. Dan jispjega l-pjan oriġinali li t-toroq kollha jkunu dojoq u kollha liwjiet u n-nuqqas ta’ pjazza wiesgħa quddiem il-knejjes tal-villaġġi.

It-tliet villaġġi huma mibnija fuq superfiċje mżerżqa li tibda minn ħamsin metru ‘l fuq mil-livell tal-baħar fuq in-naħa ta’ Lvant u tinżel għal erbgħin metru fuq in-naħa tal-punent. Il-periferija tal-Lvant issawwar il-limiti ta’ Lija u Attard li jibdew minn Hal Bordi. Il-periferija tal-Punent twassal għan-niżla lejn Balzan u l-wied ta’ Birkirkara. Il-fruntiera tat-Tramuntana tal-villaġġ tiġi direttament taħt ix-xifer tan-Naxxar filwaqt li l-fruntiera ta’ Nofsinhar tkompli għall-Palazz ta’ San Anton u għal Attard.